ქართველ მსახიობთა ოჯახის თვალით დანახული აფხაზეთის ომი. ქვეყანაში შიმშილია. ოჯახის ყველაზე უმცროსი წევრი ლევანი, ომში იბრძვის. გაუსაძლისი ყოფიდან გამოსავალს, მსახიობები სცენაზე თამაშით პოულობენ.

ამ სპექტაკლით გაიხსნა 2001 წლის 31 მარტს „თავისუფალი თეატრი“. „კომედიანტებმა“ 700 ზე მეტ ანშლაგს გაუძლო და არსებობა მთავარი როლის შემსრულებლის, ნიკო გომელაურის გარდაცვალების გამო შეწყვიტა. დღეს კი, ამ აღდგენილ სპექტაკლში თქვენ იხილავთ მონაწილეთა სრულიად ახალ შემადგენლობას.